Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ກອງປະຊຸມ-ສຳມະນາ ຝຶກອົບຮົມໃຫ້ແກ່ ພະນັກງານລັດຖະກອນໃໝ່ (95%), ໃນຂົງເຂດ ວຽກງານວິທະຍາສາດ ແລະ ເຕັກໂນໂລຊີ

ຝຶກອົບຮົມໃຫ້ແກ່ ພະນັກງານລັດຖະກອນໃໝ່ (95%), ໃນຂົງເຂດ ວຽກງານວິທະຍາສາດ ແລະ ເຕັກໂນໂລຊີ

altໃນຕອນເຊົ້າຂອງວັນທີ 22 ທັນວາ 2016, ທີ່ ກະຊວງ ວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດ ຝຶກອົບ

ຮົມໃຫ້ແກ່ພະນັກງານລັດຖະກອນໃໝ່ (95%) ໃນຂົງເຂດວຽກງານວິທະຍາສາດ ແລະ ເຕັກໂນໂລຊີ, ໂດຍໃຫ້ ກຽດເປັນປະທານຂອງ ທ່ານ ບຸນຕີ ທະມິດ, ຮອງເລຂາຄະນະພັກ, ຮອງລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ.

ໃນໂອກາດນີ້ ທ່ານ ຮອງລັດຖະມົນຕີ ໄດ້ໃຫ້ກຽດກ່າວເປິດພິທີຊຶ່ງມີເນື້ອໃນບາງຕອນວ່າ: ເພື່ອຍົກ ສູງລະດັບຄວາມຮູ້, ຄວາມສາມາດ, ສະຕິຄວາມຮັບຜິດຊອບ ຂອງວຽກງານລັດຖະກອນຕໍ່ໜ້າທີ່ວຽກງານ ທີ່ພັກ ແລະ ລັດຖະບານ ໄດ້ມອບໝາຍໃຫ້ມີຜົນສຳເລັດ, ເພື່ອຮັບປະກັນທາງດ້ານປະລິມານ ແລະ ຄຸນນະພາບ ການໄຂຊຸດຝຶກອົບຮົມຊຸດນີ້ ມີຄວາມສຳຄັນຍິ່ງ ເພາະວ່າ ຈະໄດ້ຍົກລະດັບຄວາມຮູ້ຄວາມສາມາດດ້ານວຽກງານ ບໍລິຫານຫ້ອງການ, ການຄຸ້ມຄອງດ້ານວິຊາການ, ວຽກງານວິທະຍາສາດ, ຄວາມຮັບຜິດຊອບຕໍ່ໜ້າທີ່ວຽກງານ ຂອງຕົນ, ການປະຕິບັດກົດໝາຍລັດຖະກອນ, ມະຕິ, ຄຳສັ່ງຂອງພັກ-ລັດຖະບານ ແລະ ບັນດານິຕິກຳທີ່ກ່ຽວ ຂ້ອງ.

ທ່ານ ຍັງກ່າວຕື່ມອີກວ່າ ຈຸດປະສົງ ແລະ ລະດັບຄາດໝາຍຂອງການຝຶກອົບຮົມ ແມ່ນສູງສົມຄວນ, ເນື້ອໃນຮ່ຳຮຽນພັດຫຼາຍ ແຕ່ເວລາພັດສັ້ນ, ເພື່ອຮັບ ປະກັນຄຸນນະພາບໃນການຄົ້ນຄວ້າຮ່ຳຮຽນນັ້ນ, ທ່ານຍັງໄດ້ຮຽກຮ້ອງມາຍັງຜູ້ເຂົ້າຮ່ວມຝຶກອົບຮົມໃນຄັ້ງນີ້ ຈົ່ງຕັ້ງໜ້າສູ້ຊົນ ແລະ ຜ່ານຜ່າ, ຕັ້ງໃຈຄົ້ນຄວ້າຮ່ຳຮຽນໃຫ້ ສຸດກົກສຸດປາຍ, ຍົກສູງສະຕິການຈັດຕັ້ງ, ເຄົາລົບລະບຽບການຮ່ຳຮຽນ, ການໄປ-ມາໃຫ້ເຂັ້ມງວດ ແລະ ນຳເອົາທິດສະດີ, ແນວທາງມາສົມທຽບໃສ່ພຶດຕິກຳ, ຮຽນ ຮອດບົດໃດ, ບັນຫາໃດກໍ່ໃຫ້ມີການສົມທຽບໃສ່ຄວາມຮູ້, ແນວຄິດທັດສະນະຂອງຕົນ, ຂອງຂະແໜງການຂອງຕົນ ຈາກນັ້ນຊອກຫາວິທີການ ມາດຕະການຈຳກັດແກ້ ໄຂຈຸດອ່ອນ, ເສີ່ມຂະຫຍາຍດ້ານດີ ເພື່ອເຮັດໃຫ້ພະນັກງານກ້າວຂຶ້ນຢ່າງຕໍ່ເນື່ອງ ແລະ ເອົາໃຈໃສ່ແລກປ່ຽນຄວາມຄິດຄວາມເຫັນຢ່າງກົງໄປກົງມາ ເພື່ອເຮັດໃຫ້ການຝຶກ ອົບຮົມໃນຄັ້ງນີ້ບັນລຸຕາມຄາດໝາຍທີ່ວ່າງໄວ.

ການຝຶກອົບຮົມໃນຄັ້ງນີ້ ຜູ້ເຂົ້າຮ່ວມແມ່ນໄດ້ຮັບຟັງການບັນຍາຍຈາກນັບສຳມະນາກອນ ຊຶ່ງປະກອບມີ 11 ເອກະ ສານເຊັ່ນ ເຊິດຊູນໍ້າໃຈຮັກຊາດ ຄວາມສາ ມັກຄີເປັນປຶກແຜນທົ່ວປວງຊົນ ເພື່ອພັດທະນາປະເທດຊາດໃຫ້ຮ່ງມີຜາສຸກ; ຄວາມຮູ້ພື້ນຖານກ່ຽວກັບຈັນຍາບັນຂອງລັດຖະກອນ; ເອກະສານທາງລັດຖະການ ຂອງ ສປປ ລາວ; ບໍລິຫານວຽກງານຫ້ອງການ; ຄວາມຮູ້ພື້ນຖານກ່ຽວກັບການບໍລິຫານລັດ ຂອງ ສປປ ລາວ; ເລຂານຸການ ແລະ ການສຳເນົາເອກະສານ; ການເຮັດວຽກເປັນ ໝູ່ຄະນະ (ທີມງານ); ພິທີການ ແລະ ມາລະຍາດທາງສັງຄົມ; ກົດໝາຍຂອງສະພາແຫ່ງຊາດ, ເລກທີ 74/ສພຊ, ລົງວັນທີ 18 ທັນວາ 2015 ວ່າດ້ວຍພະນັກງານ-ລັດ ຖະກອນ; ດຳລັດຂອງນາຍົກລັດຖະມົນຕີ ເລກທີ 309/ນຍ, ລົງວັນ 28 ກັນຍາ 2011, ວ່າດ້ວຍການການຈັດຕັ້ງ ແລະ ການເຄື່ອນໄຫວຂອງ ກະຊວງວິທະຍາສາດ ແລະ ເຕັກໂນໂລຊີ; ດຳລັດຂອງນາຍົກລັດຖະມົນຕີ ເລກທີ 461/ລບ ວ່າດ້ວຍມາດຕະຖານ ແລະ ເງື່ອນໄຂຂອງພະນັກງານລັດຖະກອນ ແຫ່ງ ສປປ ລາວ.

ເຂົ້າຮ່ວມຝຶກອົບຮົມໃນຄັ້ງນີ້ ມີພະນັກງານລັດຖະກອອນໃໝ່ (95%) ຈໍານວນ 50 ຄົນ, ຍິງ 19 ຄົນ, ຊຶ່ງຊຸດຝຶກອົບຮົມດັ່ງກ່າວແມ່ນໄດ້ດໍາເນີນໄປເປັນເວລາ 2 ວັນຈຶ່ງໄດ້ປິດລົງ.

ບົດຂ່າວ: ບາລະຄອນ ສຸວັນນະພາສີ

ຮູບພາບ: ນ. ທັດສະນີ ພົງບັນດິດ

altaltaltalt