Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການພົວພັນ ແລະ ຮ່ວມມື ເຕັກໂນໂລຊີ ຄະນະຜູ້ແທນພັກກອມມູນິດ ສະຫະພັນ ຣັດເຊຍ ເຂົ້າພົບປະທ່ານ ລັດຖະມົນຕີ ກວຕ

ຄະນະຜູ້ແທນພັກກອມມູນິດ ສະຫະພັນ ຣັດເຊຍ ເຂົ້າພົບປະທ່ານ ລັດຖະມົນຕີ ກວຕ

altທ່ານ ບັນດິດ ສຈ. ບໍ່ວຽງຄໍາ ວົງດາລາ, ກຳມະ ການສູນການພັກ, ເລຂາຄະນະພັກ, ລັດຖະມົນຕີ ກະຊວງ

ວິທະຍາສາດ ແລະ ເຕັກໂນໂລຊີ (ກວຕ), ທັງເປັນປະທານສະມາຄົມມິດຕະພາບ ລາວ-ຣັດເຊຍ ພ້ອມຄະນະ ຕ້ອນຮັບ ທ່ານ ອັນເດຼ ກຼືຈກົບ, ກຳມະການກົມການເມືອງສູນກາງພັກກອມມູນິດ ສະຫະພັນຣັດເຊຍ, ຫົວໜ້າ ກຸ່ມພັກກອມມູນິດ ສະຫະພັນ ຣັດເຊຍ, ຮອງປະທານຄະນະກຳມາທິການຊີ້ນຳວຽກງານດ້ານສາດສະໜາ ແລະ ອົງການຈັດຕັ້ງມະຫາຊົນ ປະຈຳສະພາດູມາຂອງນະຄອນຫຼວງມົດສະກູ ແລະ ຄະນະ ໃນຕອນເຊົ້າຂອງວັນທີ່ 22 ທັນວາ 2016 ທີ່ຫ້ອງຮັບແຂກ ກວຕ.

ຈຸດປະສົງຂອງການຢ້ຽມຢາມ ສປປ ລາວ ແລະ ພົບປະໃນຄັ້ງນີ້ ແມ່ນເພື່ອສືບຕໍ່ຮັດແໜ້ນສາຍ ພົວພັນມິດຕະພາບ ແລະ ການຮ່ວມມື ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຣັດເຊຍ ແລະ ຣັດເຊຍ-ລາວ, ເປັນການເສີມຂະຫຍາຍສາຍພົວພັນມິດຕະພາບທີ່ມີມູນເຊື້ອ, ເປັນການຮ່ວມມືປະສານ ສົມທົບກັນໃນການ ສະເຫຼີມສະຫຼອງວັນໄຊຊະນະແຫ່ງການປະຕິວັດເດືອນຕຸລາທີ່ຍິ່ງໃຫຍ່ ຄົບຮອບ 100 ປີ ແລະ ເພື່ອເປັນການອວຍພອນ ທ່ານ ລັດຖະມົນຕີ ກວຕ ໃນໂອກາດທີ່ ທ່ານ ໄດ້ຮັບການແຕ່ງຕັ້ງເປັນປະທານສະມາຄົມມິດຕະພາບ ລາວ-ຣັດເຊຍ ຜູ້ໃໝ່.

ໂອກາດນີ້, ທ່ານ ລັດຖະມົນຕີ ກວຕ ໄດ້ສະແດງຄວາມຍິນດີຕ້ອນຮັບ ແລະ ຂອບໃຈ ຕໍ່ຜູ້ແທນພັກກອມມູນິດ ສະຫະພັນ ຣັດເຊຍ ພ້ອມດ້ວຍຄະນະ ທີ່ໄດ້ເດີນທາງມາປະຕິບັດພາລະກິດ ແລະ ຢ້ຽມຢາມ ຢູ່ ສປປ ລາວ ໃນລະຫວ່າງວັນທີ 20-26 ທັນວາ 2016 ຢ່າງເປັນທາງການ.

ທ່ານ ກ່າວວ່າ ຄະນະຜູ້ແທນພັກກອມມູນິດ ສະຫະພັນ ຣັດເຊຍ ເດີນທາງມາ ສປປ ລາວ ຄັ້ງນີ້ ໄດ້ສະແດງໃຫ້ເຫັນເຖິງສາຍພົວພັນ, ມິດຕະພາບ ແລະ ການຮ່ວມມື ທີ່ມີມູນເຊື້ອມາແຕ່ດົນນານແລ້ວນັ້ນ ລະຫວ່າງ ພັກປະຊາຊົນປະຕິວັດລາວ ແລະ ພັກກອມມູນິດ ສະຫະພັນຣັດເຊຍ ກໍຄື ອະດິດສະຫະພາບໂຊຫວຽດ ໃນເມື່ອກ່ອນ; ສະມາຄົມມິດຕະພາບ ລາວ-ຣັດເຊຍ ແລະ ຣັດເຊຍ-ລາວ ໄດ້ມີການພົວພັນຮ່ວມມື ແລະ ມີການເຄື່ອນໄຫວຢ່າງແໜ້ນແຟ້ນ ແລະ ຈະສືບຕໍ່ມູນ ເຊື້ອສາຍພົວພັນ, ການຮ່ວມມື ແລະ ແຜນການເຄື່ອນໄຫວຕ່າງໆຂອງ ທັງສອງສະມາຄົົມ ໃຫ້ນັບມື້ນັບດີຂຶ້ນ. ທ່ານ ໄດ້ລາຍງານການປັບປຸງ ຄະນະສະມາຄົມມິດ ຕະພາບ ລາວ-ຣັດເຊຍ ຊຸດໃໝ່ ຕໍ່ຄະນະຜູ້ແທນດັ່ງກ່າວຮັບຊາບອີກດ້ວຍ.

ຫົວໜ້າຄະນະຜູ້ແທນພັກກອມມູນິດ ສະຫະພັນ ຣັດເຊຍ ໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ທີ່ເຕັມໄປດ້ວຍໄມຕີຈິດມິດຕະພາບ ໃນໂອ ກາດທີ່ໄດ້ເດີນທາງມາເຄື່ອນໄຫວ ຢູ່ ສປປ ລາວຄັ້ງນີ້ ແລະ ໄດ້ເຊື້ອເຊີນ ປະທານ ສະມາຄົມມິດຕະພາບ ລາວ-ຣັດເຊຍ ພ້ອມດ້ວຍຄະນະ ເດີນທາງໄປຮ່ວມງານ ສະເຫຼີມສະຫຼອງວັນໄຊຊະນະແຫ່ງການປະຕິວັດເດືອນຕຸລາທີ່ຍິ່ງໃຫຍ່ ຄົບຮອບ 100 ປີ ທີ່ນະຄອນຫຼວງມົດສະກູ ໃນປີ 2017 ທີ່ຈະມາເຖິງນີ້.


ບົດຂ່າວ: ບາລະຄອນ ສຸວັນນະພາສີ

ຮູບພາບ: ທັດສະນີ ພົງບັນດິດ

altaltalt