Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ກອງປະຊຸມ-ສຳມະນາ ກອງປະຊຸມສຳມະນາ ຊັບສິນທາງປັນຍາສຳລັບ ພາກລັດ

ກອງປະຊຸມສຳມະນາ ຊັບສິນທາງປັນຍາສຳລັບ ພາກລັດ

altກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ສປປ ລາວ ຮ່ວມກັບ ອົງການ

ສົ່ງເສີມ ການຄ້າຕ່າງປະເທດແຫ່ງປະເທດຍີ່ປຸ່ນ (JETRO) ປະຈໍຳປະເທດໄທ, ໄດ້ຈັດກອງປະຊຸມສຳມະນາ ກ່ຽວກັບຊັບສິນທາງປັນຍາສຳລັບພາກລັດ ໂດຍພາຍໃຕ້ຫົວຂໍ້ ການປັບປຸງກົດໝາຍຊັບສິນທາງປັນຍາ ເພື່ອ ໃຫ້ສອດຄ່ອງກັບມາດຕະຖານສາກົນ ຂຶ້ນໃນວັນທີ 15 ທັນວາ 2016, ທີ່ ໂຮງແຮມວຽງຈັນພລາຊາ, ນະຄອນ ຫຼວງວຽງຈັນ, ໂດຍການໃຫ້ກຽດເປັນປະທານຂອງ ທ່ານ ປອ. ນາງ ຂັນລາສີ ແກ້ວບຸນພັນ, ຫົວໜ້າກົມຊັບສິນ ທາງປັນຍາ ແລະ ການໃຫ້ກຽດເປັນປະທານຮ່ວມຂອງ ທ່ານ Motoki Takada, ຫົວໜ້າພະແນກຊັບສິນ ທາງປັນຍາ (JETRO) ປະຈໍຳປະເທດໄທ, ເຂົ້າຮ່ວມພິທີດັ່ງກ່າວມີ ຜູ້ຕາງໜ້າຈາກກະຊວງອ້ອມຂ້າງທີ່ກ່ຽວ ຂ້ອງ ແລະ ພະນັກງານພາຍໃນ ກວຕ ເຂົ້າຮ່ວມຈຳນວນ 50 ກວ່າທ່ານ.

ຈຸດປະສົງຂອງການຈັດກອງປະຊຸມສຳມະນາໃນຄັ້ງນີ້ ແມ່ນເພື່ອໃຫ້ຜູ່ເຂົ້້ຮ່ວມເຂົ້າໃຈກ່ຽວກັບບົດ ບາດຄວາມສຳຄັນໃນການສົ່ງເສີມ ແລະ ນຳໃຊ້ລະບົບຊັບສິນທາງປັນຍາ ໂດຍສະເພາະແມ່ນການສ້າງ ແລະ ການຈັດຕັ້ງປະຕິບັດລະບຽບກົດໝາຍທີ່ກ່ຽວຂ້ອງກັບຊັບສິນທາງປັນຍາ ແລະ ສິ່ງທ້າທາຍຕໍ່ການປັບປຸງກົດໝາຍວ່າດ້ວຍຊັບສິນທາງປັນຍາຂອງ ສປປ ລາວ ໃນອະນາ ຄົດ.

ໂອກາດກ່າວເປີດກອງປະຊຸມ, ທ່ານ ປອ. ນາງ ຂັນລາສີ ແກ້ວບຸນພັນ, ຫົວໜ້າກົມຊັບສິນທາງປັນຍາ ໄດ້ກ່າວວ່າ: ການປົກປ້ອງຊັບສິນທາງປັນຍາແມ່ນນັບ ມື້ນັບມີຄວາມສຳຄັນເປັນຢ່າງຍິ່ງ, ການພັດທະນາ ແລະ ການຂະຫຍາຍຕົວທາງດ້ານເຕັກໂນໂລຊີ ແລະ ລະບົບໂທລະຄົມສື່ສານຢ່າງວ່ອງໄວ, ໄດ້ກະຕຸກຊຸກຍູ້ໃຫ້ ເສດຖະກິດໂລກໃນຍຸກສະໄໝໃໝ່ຈະເລີນເຕີບໂຕຂຶ້ນ ຜົນສຳເລັດຂອງການພັດທະນາເຕັກໂນໂລຊີນັ້ນ ສ່ວນໜຶ່ງກໍແມ່ນຍ້ອນມີລະບົບຊັບສິນທາງປັນຍາທີ່ດີ ເພາະ ການນຳໃຊ້ລະບົບຊັບສິນທາງປັນຍາຢ່າງມີປະສິດທິຜົນຈະກະຕຸກຊຸກຍູ້ ແລະ ສົ່ງເສີມຫົວຄິດປະດິດສ້າງຂອງມະນຸດ, ສົ່ງເສີມການຖ່າຍທອດເຕັກໂນໂລຊີ ກໍຄືການລົງ ທຶນຈາກຕ່າງປະເທດ, ສົ່ງເສີມທຸລະກິດການຄ້າທັງພາຍໃນ ແລະ ຕ່າງປະເທດ ແລະ ຮັບປະກັນຄວາມສຳຄັນໃນສັງຄົມ. ນອກຈາກນີ້ ວຽກງານຊັບສິນທາງປັນຍາ ເປັນວຽກງານໜຶ່ງທີ່ຊ່ວຍໃນການພັດທະນາເສດຖະກິດ-ສັງຄົມ ແລະ ວັດທະນະທຳຂອງຊາດແບບຍືນຍົງ.

ໃນກອງປະຊຸມສຳມະນາໃນຄັ້ງນີ້ ແມ່ນໄດ້ດຳເນີນໄປເປັນເວລາ 1 ວັນ ຊຶ່ງເປັນໂອກາດອັນດີໃຫ້ແກ່ນັກສຳມະນາກອນທີ່ຈະໄດ້ຮັບຟັງ ການເຜີຍແຜ່ເອກະ ສານຕ່າງໆຈາກບັນດານັກວິທະຍາກອນຜູ້ມີບົດຮຽນ ແລະ ປະສົບການ ທັງຈາກ ສປປ ລາວ ແລະ ປະເທດຍີ່ປຸ່ນ.

ຮູບພາບ ແລະ ຂ່າວ: ພິພາວັນ ໄຊສົງຄາມ

altaltalt