Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ກະຊວງວິທະຍາສາດ ແລະ ເຕັກໂນໂລຊີ ອວຍພອນໃຫ້ແກ່ ກອງທັບປະຊາຊົນລາວ

ກະຊວງວິທະຍາສາດ ແລະ ເຕັກໂນໂລຊີ ອວຍພອນໃຫ້ແກ່ ກອງທັບປະຊາຊົນລາວ

altເນື່ອງໃນໂອກາດການກະກຽມ ສະເຫຼີມສະຫຼອງວັນ ສ້າງຕັ້ງກອງທັບປະຊາຊົນລາວ ຄົບຮອບ 65 ປີ ທີ່ໃກ້ ຈະມາ

ເຖິງນີ້, ໃນວັນທີ 27 ທັນວາ 2013 ທ່ານ ສຈ. ດຣ. ບໍ່ວຽງຄຳ ວົງດາລາ, ລັດຖະມົນຕີວ່າການ ກະຊວງ ວິທະຍາສາດ ແລະ ເຕັກໂນໂລຊີ (ກວຕ) ພ້ອມດ້ວຍຄະນະ ໄດ້ໄປຢ້ຽມຢາມ ແລະ ອວຍພອນກຳລັງປ້ອງກັນຊາດ ກອງ ກໍ 03. ທ່ານ ພັນເອກ ບຸນເຈື້ອ ຕຽນແສງດາວ, ເລຂາຄະນະພັກ, ຫົວໜ້າການເມືອງ ກອງ ກໍ 03 ພ້ອມດ້ວຍຄະນະນຳ-ຄະ ນະບັນຊາກອງ ກໍ 03 ໃຫ້ກຽດຕ້ອນຮັບທ່ານລັດຖະມົນຕີວ່າການ ແລະ ຄະນະ.

ໃນໂອກາດການຢ້ຽມຢາມຄັ້ງນີ້, ທ່ານລັດຖະມົນຕີວ່າການ ໄດ້ກ່າວຄຳອວຍພອນ ແລະ ມີຄຳເຫັນບາງ ຕອນວ່າ: ໃນໂອກາດທົ່ວພັກ, ທົ່ວລັດ ແລະ ທົ່ວປວງຊົນເຮົາ ພວມເບີກບານມ່ວນຊື່ນຕ້ອນຮັບວັນສ້າງຕັ້ງກອງທັບ ປະຊາຊົນລາວ ຄົບຮອບ 65 ປີ, ຂໍສະແດງການຍ້ອງຍໍຊົມເຊີຍຜົນງານອັນໃຫຍ່ຫຼວງຂອງກອງທັບທີ່ຍາດມາໄດ້.

ກອງທັບກັບປະຊາຊົນລາວ ຍາມໄດ້ກໍປຽບດັ່ງປາກັບນ້ຳ; ປະຊາຊົນລາວ ບໍ່ສາມາດຂາດກອງທັບປະຊາຊົນ ລາວໄດ້; ກອງທັບປະຊາຊົນລາວ ຍິ່ງເຕີບໃຫຍ່ກໍຍິ່ງເຂັ້ມແຂງ, ຍິ່ງສູ້ຮົບກໍ່ຍິ່ງເຂັ້ມແຂງ ຄືດັ່ງ ກອງ ກໍ 03. ຫຼັງຈາກທີ່ມີການສ້າງຕັ້ງຂຶ້ນ ກໍມີຄວາມເຂັ້ມແຂງ ຊຶ່ງສະແດງ ເຖິງມູນເຊື້ອອົງອາດກ້າຫານຂອງກອງທັບ, ສະແດງເຖິງມູນເຊື້ອອັນພິລະອາດຫານຂອງປະຊາຊົນບັນດາເຜົ່າທີ່ບໍ່ຍອມເປັນຂ້ອຍຂ້າ; ພວກເຮົາ ຍອມເສຍສະຫຼະ, ແຕ່ບໍ່ ຍອມເປັນຂ້ອຍຂ້າ; ອັນນີ້ ແມ່ນຄະຕິປະຈຳໃຈຂອງນັກຮົບປະຕິວັດຂອງພວກເຮົາ ທີ່ໄດ້ຕໍ່ສູ້ກູ້ຊາດ ແລະ ສາມາດເອົາຊະນະຈັກກະພັດໃຫຍ່ມາໄດ້ເຖິງປັດຈຸບັນນີ້.

ທ່ານລັດຖະມົນຕີວ່າການ ກ່າວວ່າ ໃນສະໄໝສັນຕິພາບ, ກອງທັບເຮົາ ກໍມີສະຕິລະວັງຕົວສູງ, ປົກປ້ອງເຂດນ້ຳແດນດິນອັນແສນຮັກຂອງຕົນ, ພ້ອມກັນນັ້ນ ກໍຍັງໄດ້ຊ່ວຍເຫຼືອປະຊາຊົນບັນດາເຜົ່າຢູ່ໃນການພັດທະນາເສດຖະກິດ-ສັງຄົມ; ອັນນີ້ ສະແດງເຖິງມູນເຊື້ອປະຕິວັດ, ມູນເຊື້ອຮັກເຊື້ອແພງຊາດ, ມູນເຊື້ອພິລະອາດ ຫານ ແລະ ມູນເຊື້ອມະຫາຊົນຂອງກອງທັບເຮົາ.

ພາຍຫຼັງທີ່ ກວຕ ໄດ້ຮັບການສ້າງຕັ້ງຂຶ້ນ ຍາມໃດກໍໄດ້ຄຽງບ່າຄຽງໄລ່ກັບກອງທັບ ແລະ ໄດ້ຢ້ຽມຢາມກອງທັບຫຼາຍຄັ້ງຊຶ່ງສະແດງເຖິງຄວາມນັບຖືຄວາມເຄົາ ລົບຕໍ່ກອງທັບ, ຕໍ່ກໍາລັງປ້ອງກັນຊາດ, ສະແດງເຖິງຄວາມຮັກແພງ, ຄວາມມີນ້ຳຈິດນ້ຳໃຈຂອງອ້າຍນ້ອງພະນັກງານພາຍໃນ ກວຕ ທີ່ມີຕໍ່ກອງທັບ. ການຢ້ຽມຢາມນັກ ຮົບແຕ່ລະຄັ້ງ, ພວກເຮົາ ໄດ້ເຫັນການເປັນຢູ່ຂອງນັກຮົບຂອງກອງທັບປະຊາຊົນລາວໃນການເສຍສະຫຼະເພື່ອຊາດ.

          ໂອກາດນີ້, ທ່ານລັດຖະມົນຕີ ໄດ້ຕາງໜ້າກະຊວງມອບເງິນຈຳນວນ 50 ລ້ານ ກີບ ພ້ອມດ້ວຍເຄື່ອງໃຊ້ທີ່ຈຳເປັນ ເຊັ່ນ: ຄອມພິວເຕີ, ເຄື່ອງພິມ, ຊຸດກິລາ ແລະ ອຸປະກອນກິລາຈຳນວນໜຶ່ງໃຫ້ແກ່ກອງ ກໍ 03 ເພື່ອເປັນຂວັນ ແລະ ກຳລັງໃຈໃຫ້ແກ່ພະນັກງານນັກຮົບທີ່ປະຕິບັດໜ້າທີ່ວຽກງານພາຍໃນກອງ. ທ່ານ ພັນເອກ ບຸນເຈື້ອ ຕຽນແສງດາວ, ເລຂາຄະນະພັກ, ຫົວໜ້າການເມືອງ ກອງ ກໍ 03 ເປັນຜູ້ຮັບຄວາມຊ່ວຍເຫຼືອດັ່ງກ່າວ.

          ຫຼັງຈາກນັ້ນ, ທ່ານລັດຖະມົນຕີວ່າການ ແລະ ຄະນະ ກໍໄດ້ເດີນທາງໄປຢ້ຽມຢາມ ແລະ ອວຍພອນພະນັກງານນັກຮົບຢູ່ກອງ ຄໍ 415 ພ້ອມທັງມອບອຸປະກອນ ຕ່າງໆ ແລະ ເຄື່ອງໃຊ້ທີ່ຈຳເປັນໃນຊີວິດໃຫ້ແກ່ກອງດັ່ງກ່າວ. ທ່ານຫົວໜ້າກອງຄໍ 415 ເປັນຜູ້ຮັບເຄື່ອງທີ່ນຳມາມອບໃນຄັ້ງນີ້ຊຶ່ງຈະໄດ້ນຳໄປແຈກຢາຍໃຫ້ແກ່ກຳລັງ ປ້ອງກັນຊາດທີ່ປະຈຳຢູ່ພາຍໃນກອງ ຄໍ 415 ແລະ ກອງ ຄໍ 418 ທີ່ຂຶ້ນກັບກອງ ຂໍ 301. ເຄື່ອງໃຊ້ ແລະ ເງິນສົດທີ່ນໍາໄປມອບໃຫ້ແກ່ນັກຮົບຄັ້ງນີ້ ມີມູນຄ່າທັງໝົດ 100 ກວ່າລ້ານກີບ.

altaltaltaltaltaltaltalt