Alternative flash content

To view this Flash you need Javascript on your browser and updated version of flash player.

Get Adobe Flash player

ແນະນຳ ກ.ວ.ຕ (MOST)

ລົງທະບຽນຜູ້ໃຊ້



Home ຂ່າວສານ ຂ່າວສານ ການເຄື່ອນໄຫວກິດຈະກຳພາຍໃນ ກະຊວງວິທະຍາສາດ ແລະ ເຕັກໂນໂລຊີ ຈັດຕັ້ງຂະບວນການ ຮັບຕ້ອນວັນສ້າງຕັ້ງກະຊວງ ຄົບຮອບ 1 ປີ

ກະຊວງວິທະຍາສາດ ແລະ ເຕັກໂນໂລຊີ ຈັດຕັ້ງຂະບວນການ ຮັບຕ້ອນວັນສ້າງຕັ້ງກະຊວງ ຄົບຮອບ 1 ປີ

 

 

IMG 5214

ເພື່ອຮັບປະກັນ ເຮັດໃຫ້ເນື້ອໃນຈິດໃຈ ມະຕິກອງປະ ຊຸມໃຫຍ່ ຄັ້ງທີ IX ຂອງພັກ, ແຜນພັດທະນາເສດຖະ ກິດ-ສັງ

 

ຄົມ ແຫ່ງລັດ 5 ປີ ຄັ້ງທີ VII ໄດ້ຮັບການຈັດຕັ້ງຜັນຂະຫຍາຍເຂົ້າສູ່ຂົງເຂດວຽກງານຕ່າງໆ ແລະ ປະກົດໝາກຜົນ ຕົວຈິງ, ພັກ ແລະລັດຖະບານ ຈຶ່ງໄດ້ມີການຄົ້ນຄວປັບປຸງບູລະນະກົງຈັກການຈັດຕັ້ງຂອງອົງການບໍລິຫານລັດເພື່ອ ເຮັດ ໃຫ້ການເຄື່ອນໄຫວໜ້າທີ່ການເມືອງຂອງລັດຖະບາ ນມີລະບົບການຈັດຕັ້ງທີ່ເຂັ້ມແຂງ ແລະ ສອດຄ່ອງກັບເງື່ອນໄຂ ຄວາມສາມາດບົ່ມຊ້ອນ ຂອງ ການພັດທະນາປະເທດຊາດ ແລະ ການພັດທະນາຂອງ ຍຸກສະໄໝປະຈຸບັນ ທັງໃນ ພາກພື້ນ ແລະ ໃນໂລກ. ບົນຈິດໃຈດັ່ງກ່າວ, ກະຊວງ ວິທະຍາສາດ ແລະ ເຕັກໂນໂລຊີ ແມ່ນໜຶ່ງໃນຈຳນວນ 4 ກະ ຊວງ ທີ່ໄດ້ຮັບການສ້າງຕັ້ງຂຶ້ນໃໝ່ ຕາມການຕົກລົງ ຂອງກອງປະຊຸມຄັ້ງປະຖົມມະລຶກ ສະພາແຫ່ງຊາດ ຊຸດທີ VII ແລະ ໄດ້ຮັບການຕົກລົງ ຢ່າງເປັນທາງການຕາມດຳລັດ ຂອງ ນາຍົກລັດຖະມົນຕີສະບັບ ເລກທີ 309/ນຍ, ລົງວັນທີ 28 ກັນຍາ 2011 ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງ ກະຊວງ ວິທະຍາ ສາດ ແລະເຕັກໂນໂລຊີ.

ມາເຖິງປະຈຸບັນນັບເປັນເວລາ 1 ປີເຕັມ ທີ່ ກະຊວງວິທະຍາສາດ ແລະ ເຕັກໂນໂລຊີ ໄດ້ປະ ຕິບັດໜ້າທີ່ການເມືອງຂອງຕົນ ຢ່າງເຂັ່ງຮ້ອນ ບໍ່ວ່າຈະເປັນທາງ ດ້ານການປັບປຸງ ກົງຈັກການຈັດຕັ້ງ ທີ່ຂຶ້ນກັບກະຊວງ, ການຄົ້ນຄວ້າແຕ່ງຕັ້ງ ແລະ ຊັບຊ້ອນ ບັນດາຕຳ ແໜ່ງງານຕ່າງໆ ທັງຢູ່ສູນກາງ ແລະ ທ້ອງຖິ່ນ ລວມໄປເຖິງການ ປະຕິບັດໜ້າທີ່ວິຊາສະເພາະ ຕາມພາລະບົດບາດໜ້າທີ່ຂອງຕົນ.   

ໂດຍພາຍໃຕ້ບັນຍາກາດແຫ່ງຜົນສຳເລັດ ຈາກຄວາມບາກບັ່ນພະຍາຍາມ ໃນຕະຫລອດໄລຍະ 1 ປີ ຜ່ານມາ, ສະນັ້ນເພື່ອເປັນການຄຳນັບຮັບຕ້ອນ ແລະ ສະ ເຫລີມສະຫລອງ ເຮັດໃຫ້ວັນຄົບຮອບ ດັ່ງກ່າວມີບັນຍາກາດຟົດຟື້ນ ແລະ ເຕັມໄປດ້ວຍຄວາມໝາຍເລິກເຊິ່ງ ທາງກະຊວງ ວິທະຍາສາດ ແລະເຕັກໂນໂລຊີ ຈຶ່ງໄດ້ຈັດຕັ້ງຂະບວນການ ຮັບຕ້ອນວັນສ້າງຕັ້ງ ຄົບຮອບ 1 ປີ ກະຊວງຂອງຕົນຂຶ້ນຄື: ຕອນເຊົ້າວັນທີ 27 ກັນຍາ 2012  ແມ່ນໄດ້ຈັດຂະບວນການອອກແຮງງານເຮັດ ອານາໄມ; ຕອນບ່າຍແມ່ນໄດ້ຈັດການແຂ່ງຂັນກິລາບານເຕະ ລະຫວ່າງ ພະນັກງານການນຳ ແລະ ພະນັກງານພາຍໃນກະຊວງ. ໃນຕອນບ່າຍຂອງວັນທີ 28 ກັນຍາ ແມ່ນໄດ້ຈັດພິທີໂຮມຊຸມນຸມທີ່ຫ້ອງປະຊຸມໃຫຍ່ຂອງກະຊວງ ໂດຍມີຄະນະພັກ, ຄະນະນຳ, ພະນັກງານອະວຸໂສ, ພະນັກງານບຳນານ ແລະ ພະນັກງານ ຂອງກະຊວງ ດັ່ງກ່າວເຂົ້າຮ່ວມ.

ທ່ານ ຫຸມພັນ ອິນທະຣາດ, ລັດຖະມົນຕີຊ່ວຍວ່າການ ກະຊວງວິທະຍາສາດ ແລະ ເຕັກໂນໂລຊີ ໄດ້ສະຫຼຸບຜົນງານໜຶ່ງປີຜ່ານມາ ແລະ ສະເໜີທິດທາງແຜນ ການໃນຕໍ່ໜ້າວ່າ ໂດຍອີງຕາມດຳລັດນາຍົກ ລັດຖະມົນຕີວ່າດ້ວຍການຈັດຕັ້ງ ແລະການເຄື່ອນໄຫວຂອງກະຊວງ ວິທະຍາສາດ ແລະ ເຕັກໂນໂລຊີ ສະບັບເລກທີ 309/ ນຍ, ລົງວັນທີ 28/9/ 2011 ຊຶ່ງຖືເປັນມື້ດີ ແລະ ຄົບຮອບ 1 ປີ ຂອງກະຊວງ.

ໃນບົດສະຫລຸບການເຄື່ອນໄຫວວຽກງານ 1 ປີ ຂອງກະຊວງ, ທ່ານ ໄດ້ຍົກໃຫ້ຜົນສຳເລັດ ຫລາຍດ້ານ, ແຕ່ກໍປະຕິເສດບໍ່ໄດ້ກ່ຽວກັບວຽກງານທີ່ເປັນຂໍ້່ບົກ ຜ່ອງ ແລະ ຂໍ້ຄົງຄ້າງຊຶ່ງທ່ານ ກ່າວວ່າພວກເຮົາ ຕ້ອງຮ່ວມກັນແກ້ໄຂ.

ທ່ານກ່າວເຖິງວຽກງານຈຸດສຸມທີ່ຈະຕ້ອງເຮັດໃນຕໍ່້ໜ້າວ່າ 1/ ພວກເຮົາ ຈະຕ້ອງເອົາໃສ່ການຝຶຶກອົບຮົມວຽກງານແນວຄິດໃຫ້ ພະນັກງານ-ລັດຖະກອນ ພາຍ ໃນກະຊວງຢ່າງທົ່ວເຖິງ ແລະ ຕໍ່ເນື່ອງດ້ວຍຫລາຍຮູບແບບ, ເຜີຍແຜ່ມະຕິຄຳສັ່ງ ແລະ ເອກະສານທີ່ສຳຄັນຂອງພັກ-ລັດ, ມູນເຊືື້ອການຕໍ່ສູ້ປະຕິວັດ, ຄຸນສົມບັດສິນທຳ ປະຕິວັດຂອງຜູ້ນຳຢ່າງເປັນປະຈຳ; 2/ ເອົາໃຈໃສ່ສືບຕໍ່ປັບປຸງວຽກນິຕິກຳ ເຊັ່ນ: ກົດ ໝາຍໃໝ່, ກົດໝາຍສະບັບປັບປຸງ ໃຫ້ເປັນລະບົບແລະ ຄົບຖ້ວນ ເພື່ອເປັນບ່ອນ ອີງສຳຄັນໃນການປະຕິ ບັດໜ້າທີ່ວຽກງານວິທະຍາສາດ ແລະເຕັກໂນໂລຊີ ຕາມທິດລັດແຫ່ງກົດໝາຍເທື່ອລະກ້າວ; 3/ ສືບຕໍ່ ປັບປຸງລະບຽບການ, ກົນໄກ, ວິທີການ ຄຸ້ມຄອງບໍລິຫານຂອງກະວງ ວິທະຍາສາດ ແລະ ໃຫ້ສຳເລັດເພື່ອເປັນບ່ອນອີງໃນການເຄື່ອນໄຫວວຽກງານພາຍໃນຂອງກະຊວງ; 4/ ເປັນເຈົ້າການໃນການກວດກາຄືນ ບັນດາວຽກທີ່ຢູ່ໃນຄວາມຮັບຜິດຊອບຂອງແຕ່ລະຂະແໜງການ ໂດຍມີການແບ່ງງານ, ແບ່ງຄວາມຮັບຜິດຊອບໃຫ້ແກ່ບຸກຄົນຄັກແນ່ ເພື່ອຮັບປະກັນເຮັດໃຫ້ວຽກງານທີ່ ໄດ້ຮັບການຈັດຕັ້ງປະຕິບັດເປັນຮູບປະທຳ; 5/ ສືບຕໍ່ປັບປຸງ ແລະ ຈັດສັນສະຖານທີ່ເຮັດວຽກ ໃຫ້ເປັນລະບົບລະບຽບ, ອຳນວຍ ຄວາມ ສະດວກທາງດ້ານວັດຖຸ, ອຸປະ ກອນ ແລະ ພາຫະນາຮັບໃຊ້ຢ່າງເໝາະສົມເພື່ອໃຫ້ສອດຄ່ອງກັບຄວາມຮຽກ ຮ້ອງຕ້ອງການ ແລະ ຄວາມເປັນຈິງ; 6/ ເອົາໃຈໃສ່ ປັບປຸງດ້ານນະໂຍບາຍເງິນເດືອນ, ສົ່ງ ເສີມມານບໍລິຫານ ພື່ອຮັບໃຊ້ວຽກງານຂອງກະຊວງປະຈຳສົກປີ ໃຫ້ສອດຄ່ອງຕາມຄວາມຮຽກຮ້ອງຕ້ອງການ ແລະ ຄວາມຈຳເປັນຂອງວຽກງານ, 8/ ຕັ້ງໜ້າສຸມໃສ່ປັບ  ປຸງ ພາລະບົດບາດ ແລະ ວຽກງານຂອງແຕ່ລະຂະແໜງການດ້ວຍການເປັນເຈົ້າການໃນການເສີມຂະຫຍາຍ, ຕິດຕໍ່ຮ່ວມມືການຄົ້ນຄວ້າທາງດ້ານວິທະຍາສາດກັບບັນດາ ປະເທດເພື່ອນມິດຍຸດທະສາດ, ບັນດາປະເທດໃນພາກພື້ນ ແລະ ອົງການຈັດຕັ້ງສາກົນຢ່າງຕັ້ງໜ້າ, ເລິກເຊິ່ງ ແລະມີປະສິດທິຜົນ; 9/ ເອົາໃຈໃສ່ສ້າງຂະບວນການອອກ ແຮງງານລວມຢ່າງເປັນປົກກະຕິ, ສົ່ງເສີມການແຂ່ງຂັນກິລາຕ່າງໆ ຢູ່ພາຍໃນ ແລະ ພາຍນອກເນື່ອງໃນໂອກາດວັນສະເຫລີມສະຫລອງວັນສຳຄັນໆຂອງຊາດ, ແນໃສ່ຮັດ ແໜ້ນຄວາມ ສາມັກຄີພາຍໃນ ແລະພາຍນອກ, ປູກຈິດສຳນຶກໃຫ້ຮັກສາສຸຂະພາບ, ຮັກສາຄວາມສະອາດ ແລະ ຮັກສາລະບຽບວິໄນ ແລະ 10/ ເປັນເຈົ້າການກະກຽມ ວຽກງານຕ່າງໆ ຮັບໃຊ້ແກ່ກອງປະຊຸມ ອາເຊັບ ແລະ ກອງປະຊຸມ ອາເຊັມທີ່ ສປປລາວ ຮັບກຽດເປັນເຈົ້າພາບໃນທ້າຍປີນີ້.

ທ່ານ ສາຄອນ ຈະເລີນວົງ, ລັດຖະມົນຕີຊ່ວຍວ່າການ ກະຊວງ ວິທະຍາສາດ ແລະ ເຕັກໂນໂລຊີ ສະເໜີວຽກງານສາມສ້າງ ຊຶ່ງທ່ານກ່າວວ່າ ວຽກງານສາມ ສ້າງຊຶ່ງປະກອບດ້ວຍ ສ້າງແຂວງ ປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານ ເປັນຫົວໜ້າພັດທະນາ. ບັນຫາດັ່່ງກ່າວນີ້ເປັນບັນ ຫາສຳຄັນ, ເປັນບັນຫາໃຈກາງ ແລະ ເປັນໜ້າທີ່ການເມືອງຂອງພັກ, ເປັນໜ້າທີ່ອັນຮີບດ່ວນທີ່ສຸດ, ໂດຍສະເພາະພວກເຮົາຈະໄດ້ຈັດຕັ້ງປະຕິບັດ, ຄົ້ນຄວ້າ, ຮໍ່າຮຽນ, ເຊື່ອມຊືມມະຕິ 03 ຂອງກົມການເມືອງກ່ຽວກັບວຽກງານ 3 ສ້າງ.  
            ຕໍ່ໜ້າວຽກງານດັ່ງກ່າວ, ກະຊວງ ວິທະຍາສາດ ແລະ ເຕັກໂນໂລຊີ ແມ່ນ 1 ໃນ 15 ກະຊວງທີ່ເຂົ້າຮ່ວມການທົດລອງ 3 ສ້າງ ແລະ ມີຄວາມສຳຄັນທີ່ຈະເອົາ ວຽກງານວິທະຍສາດ ແລະ ເຕັກໂນໂລຊີລົງ ສູ່ຮາກຖານ, ຮ່ວມກັບການແກ້ໄຂຄວາມທຸກຍາກຂອງປະຊາຊົນ. ຍ້ອນເຫັນຄວາມສຳຄັນຄືດັ່ງກ່າວ, ຄະນະພັກ, ຄະນະ ນຳຂອງກະຊວງ ວິທະຍາສາດ ແລະ ເຕັກໂນໂລຊີ ຖືເປັນບັນຫາສຳຄັນທີ່ສຸດຕໍ່ວຽກງານສາມສ້າງ. ຄະນະພັກ, ຄະນະນຳກະຊວງ ຈຶ່ງໄດ້ຕົກລົງແຕ່ງຕັ້ງ ຄະນະຮັບຜິດ ຊອບສາມສ້າງຂັ້ນກະຊວງ. ຫລັງຈາກນັ້ນ ຈຶ່ງໄດ້ແຕ່ງຕັ້ງຄະນະອະນຸກຳມະການ, ກອງເລຂາເພື່ອຮັບຜິດຊອບວຽກງານດັ່ງກ່າວ. ວຽກງານ 3 ສ້າງ ໄດ້ເຄື່ອນໄຫວວຽກ ງານມາເປັນປົກກະຕິ.

             ມາຮອດມື້ນີ້ ວັນທີ 28 ກັນຍາ, 2012 ຊຶ່ງພໍດີກັບວັນສ້າງຕັ້ງ ກະຊວງ ວິທະຍາສາດ ແລະ ເຕັກ ໂນໂລຊີ ຄົບຮອບ 1 ປີພໍດີ ຈຶ່ງຖືໂອກາດນີ້ ເປີດວຽກງານ 3 ສ້າງຢ່າງເປັນທາງການ.
           ນອກຈາກນີ້, ທ່ານ ສາຄອນຈະເລີນວົງ ໄດ້ທົບທວນກ່ຽວກັບວຽກງານແຂ່ງຂັນຮັກຊາດ ພັດທະນາທີ່ບັນດາກົມ ສະຖາບັນຂຶ້ນຈັບມື້ແຂ່ງຂັນກັນເມື່ອຕົ້ນ ປີທີ່ຜ່ານມາ.  
            ສຈ.ດຣ ບໍ່ວຽງຄຳວົງດາຣາ, ລັດຖະມົນຕີວ່າການ ກະຊວງ ວີິທະຍາສາດ ແລະ ເຕັກໂນໂລຊີກ່າວໃຫ້ໂອວາດຕໍ່ພະນັກງານນຳ ແລະ ພະນັກງານວິຊາການ ທີ່ເຂົ້າຮ່ວມຊຸມນຸມຄັ້ງນີ້ມີໃຈຄວາມວ່າ ຂ້າພະເຈົ້າ ຮູ້ສຶກເປັນກຽດ ແລະ ພາກພຸມໃຈທີ່ສຸດທີ່ພ້ອມກັບບັນດາສະຫາຍຈັດຕັ້ງພິທີສະຫລຸບຜົນງານ ເພື່ອສະເຫລີມສະ ຫລອງວັນສ້າງຕັ້ງ ກະຊວງ ວິທະຍາສາດ ແລະ ເຕັກໂນໂລຊີ ຄົບຮອບ 1 ປີພໍດີ ແລະ ເປີດຂະບວນການສາມສ້າງຂອງ ກະຊວງ ວິທະຍາສາດ ແລະ ເຕັກໂນໂລຊີ ເພື່ອ ຫັນລົງສູ່ທ້ອງຖິ່ນ. ນີ້ ເປັນ ເຫດການປະຫວັດສາດອັນໜຶ່ງ, ເຖິງແມ່ນວ່ານິ້ ແມ່ນເຫດການອັນນ້ອຍໆ, ແຕ່ມັນກໍມີຄວາມໝາຍສໍຳ ຄັນທີ່ສຸດຂອງກະຊວງ ວິທະຍາສາດ ແລະເຕັກໂນໂລຊີ ເພາະວ່າ ພາຍຫລັງການເຄື່ອນໄຫວວຽກງານ ຕະຫລອດໄລຍະເວລາ 1 ປີພໍດີຊຶ່ງກໍເປັນຂີດໝາຍອັນໜຶ່ຶງ ເພື່ອໃຫ້ພວກເຮົາ ໄດ້ຢຸດ ແລະ ຫລຽວຫລັງ ຄືນເບິ່ງວ່າ 1 ປີທີ່ພວກເຮົາ ໄດ້ກຳເນີດເກີດຂຶ້ນນີ້ ພວກເຮົາ ເຮັດຫຍັງໄດ້ແດ່.

             ພວກເຮົາມີຄວາມພໍໃຈຕໍ່ຜົນງານ 1 ປີທີ່ພວກເຮົາທຸກຄົນສ້າງມາໄດ້. ພວກເຮົາ ໄດ້ຕີລາຄາຜົນງານຢ່າງພາວະວິໄສ. ແຕ່ເຖິງຢ່າງໃດກໍຕາມ, ພວກເຮົາ ກໍຍັງມີ ບາງອັນທີ່ຍັງຄົງຄ້າງ ແລະ ເຮັດບໍ່ໄດ້ຊຶ່ງ ເປັນເລື່ອງທຳມະດາ ແລະ ບໍ່ແມ່ນເລື່ອງທີ່ພວກເຮົາ ຕ້ອງເສຍກຳລັງໃຈ; ບໍ່ໃຫ້ຄິດວ່າເຮັດວຽກມາໝົດປີກໍຍັງເຫັນຈຸດອ່ອນ. ບຸກ ຄົນໃດທີ່ບໍ່ເຮັດວຽກ, ກໍບໍ່ມີຈຸດອ່ອນ, ຖ້າເຮັດວຽກ ຕ້ອງມີຈຸດອ່ອນ. ແຕ່ຖ້າບໍ່ເຮັດຫຍັງ ກໍຈະເປັນຈຸດອ່ອນເພາະກົດຂີ່ຂູດຮີດຄົນອື່ນ. ເມື່ອບຸກຄົນໜຶ່ງທີ່ເຮັດວຽກກໍ ຕ້ອງ ມີຈຸດອ່ອນ ແລະອັນຄ້າງຄາຊຶ່ງເປັນພຽງບົດຮຽນເພື່ອໃຫ້ເຮົາຖອດຖອນ.
            ໃນຕອນຄໍ່າຂອງວັນດຽວກັນກໍໄດ້ຈັດພາເຂົ້າສາມັກຄີຂຶ້ນ ທີ່ພັດທະຄານດາວຄຳ ເພື່ອສ້າງສັນຄວາມຮັກແພງສາມັກຄີ ແລະ ສະຫລອງຜົນສຳເລັດວຽກງານ ໃນໜຶ່ງປີຜ່ານມາ ຢ່າງເບີກບານມ່ວນຊື່ນIMG 5219

IMG 5227IMG 5242